ვლადიმერ პუტინმა თავდაცვის სამინისტროს საბჭოს გაფართოებულ სხდომაზე გამოსვლისას განაცხადა, რომ რუსეთი ევროპასა და ნატოსთან ბრძოლას არ აპირებს.

უკრაინის ირგვლივ შექმნილი ვითარების კომენტირებისას, პუტინმა თქვა, რომ მოსკოვი იყო კიევის სუვერენიტეტის ერთადერთი გარანტი, დასავლეთი კი „უკანონოდ“ მოიქცა და აიძულა რუსეთი ეპასუხა. გარდა ამისა, მან დაადანაშაულა დასავლური ქვეყნები სსრკ-ს დაშლის შემდეგ „მეხუთე კოლონასთან მუშაობაში“, რათა „ქვეყანა დაშორებოდა პოსტსაბჭოთა სივრცეს“.

პუტინმა ასევე აღნიშნა, რომ 2014 წლის შემდეგ დასავლეთმა არ შეასრულა მინსკის მეორე შეთანხმებები და „მაშინვე დაიწყო იქ ვირტუალური ომი“. „ამ თვალსაზრისით, თუ შეიძლება ასე ვთქვა, მათ ჩვენ გვაჯობეს“, - განაცხადა პრეზიდენტმა.