აშშ-ის პრეზიდენტი დონალდ ტრამპი „მკაცრად“ განიხილავს კონგრესის მიერ ახალი ანტირუსული სანქციების შესახებ კანონპროექტის მიღებაზე თანხმობის მიცემის შესაძლებლობას. ამის შესახებ მან თეთრ სახლში გამართულ ბრიფინგზე განაცხადა.

„ეს მთლიანად ჩემი არჩევანია. კონგრესი ამას სრულად დაეთანხმება ჩემი არჩევანის საფუძველზე“, - ხაზგასმით აღნიშნა ტრამპმა.

ტრამპმა ჟურნალისტის შეკითხვაზე, აპირებს თუ არა რაიმე ფორმით უკმაყოფილების გამოხატვას რუსეთის პრეზიდენტ ვლადიმერ პუტინის მიმართ, უპასუხა:

„ამას არ გეტყვით. რუსეთის პრეზიდენტ ვლადიმერ პუტინისთვის პატარა სიურპრიზს ვამზადებ, რადგან მისით უკმაყოფილო ვარ. მოდით, სიურპრიზად დავტოვოთ. 

უკრაინის კონფლიქტის მოგვარების საკითხი უფრო რთული აღმოჩნდა, ვიდრე ველოდი,’’ - თქვა ტრამპმა.