ცენტრი „დოსიე“ ორი სუპერიახტის შესახებ წერს, რომელსაც ვლადიმერ პუტინი და მისი გარემოცვა იყენებდნენ. ეს არის 71 მეტრიანი „ვიქტორია“ და მისი თანმხლები 38 მეტრიანი ნავი Orion. ამჟამად „ვიქტორიას“ რემონტი მიმდინარეობს თურქულ გემთმშენებელ ქარხანაში, რომელიც აშენებს გემებს ნატოს წევრი თურქეთის საზღვაო ძალებისთვის.

„ვიქტორია“ - ეს არის 71 მეტრიანი იახტა, ვლადიმერ პუტინის შავი ზღვის ფლოტილის ფლაგმანი. 21 ოქტომბერს ვიქტორიამ სოჭი დატოვა და ორი დღის შემდეგ სტამბოლისკენ დაიძრა. 25 ოქტომბრის დილით, გემი გადავიდა ნავსადგურებზე, გამორთო გადამცემი (AIS) და შეწყვიტა გამოჩენა სპეციალიზებული სერვისების რუქებზე.

იახტის უკეთ სანახავად საჭიროა დრონის გამოყენება - წერს ცენტრი.