პარლამენტის შენობასთან, სადაც „უცხოური გავლენის გამჭვირვალობის შესახებ” კანონის მოწინააღმდეგეები არიან შეკრებილები, აქციის მონაწილეებსა და პოლიციას შორის სიტყვიერი დაპირისპირება მოხდა. ახალგაზრდების თქმით, ადგილზე რუსი ჟურნალისტი პროვოკაციის მოსაწყობად მივიდა.

ადგილზე შეკრებილებმა მას სთხოვეს დაეფიქსირებინა პოზიცია, იყო თუ არა პუტინი ოკუპანტი, რაზეც ჟურნალისტმა არ უპასუხა. აქციის ერთ-ერთმა მონაწილემ ანი ქარქაშაძემ კი სავარაუდოდ პროპაგანდისტული არხის წარმომადგენელს უთხრა, რომ "პუტინი ხუილო" იყო.

პოლიციამ  აქციის მონაწილეები გააფრთხილა, რომ შეურაცხმყოფელი მიმართვებისგან თავი შეეკავებინათ, რასაც აქციის მონაწილეების მხრიდან პროტესტი მოჰყვა.

საბოლოოდ, უცხო ქვეყნის მოქალაქე პოლიციამ სპეციალური კორდონით გაიყვანა ადგილიდან.