"დაღალე რეჟიმი!" - ამ სახელწოდებით საპროტესტო აქცია თბილისში, პარლამენტის მიმდებარედ მიმდინარეობს.

რუსთაველის გამზირზე მოძრაობა "დაფიონის" წევრები არიან შეკრებილები. ახალგაზრდები "ქართული ოცნების" გადაწყვეტილებებს აპროტესტებენ. ამბობენ, რომ კანონი, რომელიც მათ ცოტა ხნის წინ მიიღეს, ქვეყანას დასავლეთისგან აშორებს და რუსეთში მიჰყავს. 

მათი თქმით, ისინი გაჩერებას არ აპირებენ და ბრძოლას გამარჯვებამდე გეგმავენ.

 ცოტა ხნის წინ პარლამენტთან მიმდინარე აქციაზე, ინციდენტიც მოხდა. აქციის მონაწილეებმა ბელარუს ჟურნალისტს ტერიტორია დაატოვებინეს. ამბობენ, რომ ის მათ რუსულად ელაპარაკებოდა და არ თანხმდებოდა მათ ნათქვამს, რომ რუსეთი ოკუპანტია.

ადგილზე ამ დრომდე პოლიციაა მობილიზებული.

აქციის მონაწილეები მსვლელობით ჯერ მთავრობის ადმინისტრაციასთან, შემდეგ კი "ქართული ოცნების" ოფისთან მისვლას აპირებენ.