აშშ-ის ელჩმა დასძინა, რომ შეერთებული შტატები შეშფოთებულია და მსოფლიო უნდა მოემზადოს ძალიან გრძელი და ძალიან რთული გზისთვის.

„თუ ბოლო ორმა კვირამ რაღაც გვაჩვენა, ეს არის ის, რომ უკრაინელი ხალხი არ აპირებს დანებებას. თავად ბევრ რუს ხალხს, მათ შორის ბევრ რუს ჯარისკაცს, არ სურს ეს ომი“, - განაცხადა თომას-გრინფილდმა გაეროს უშიშროების საბჭოს სხდომაზე.

მისი თქმით, პუტინი მზადაა გაგწიროს ათასობით რუსი ჯარისკაცის სიცოცხლე თავისი პირადი ამბიციების მისაღწევად.

„კვირების განმავლობაში ვაფრთხილებდით მოსკოვს, რომ ამ ომის წამოწყებისთვის რუსეთი საბოლოოდ უფრო სუსტი გახდება და არა ძლიერი. ეს უკვე დადასტურდა. საკითხავი ის არის, თუ რამდენი განადგურება სურს პრეზიდენტ პუტინს ამ უზარმაზარი შეცდომის გამო“, - განაცხადა მან.