ჰააგის სასამართლოს მიერ კრემლის ლიდერზე დაპატიმრების ორდერის გაცემის შემდეგ, პუტინი პირველად გეგმავს საზღვარგარეთ ვიზიტს. ამის შესახებ გამოცემა Bloomberg-ი წერს.

გავრცელებული ინფორმაციით, კრემლის ლიდერი ოქტომბერში ჩინეთში ჩასვლას აპირებს, ფორუმზე „ერთი სარტყელი - ერთი გზა“ დასასწრებად. პუტინმა ჩინეთის ლიდერისგან მიწვევა უკვე მიიღო.

17 მარტს, ჰააგის სისხლის სამართლის საერთაშორისო სასამართლომ (ICC) რუსეთის პრეზიდენტის, ვლადიმირ პუტინის დაკავების ორდერი გასცა. სისხლის სამართლის საერთაშორისო სასამართლო ვლადიმირ პუტინს უკრაინაში ჩადენილ სამხედრო დანაშაულებზე პასუხისმგებლობას აკისრებს.