პარლამენტის განათლების, მეცნიერებისა და ახალგაზრდულ საქმეთა კომიტეტის თავმჯდომარე გივი მიქანაძე „საარჩევნო კოდექსში“ ცვლილებებზე პრეზიდენტის მიერ ვეტოს დადების საკითხს გამოეხმაურა.

მიქანაძის შეფასებით, კანონპროექტზე ვეტოს დადება პროცესის ხელოვნურად გაჭიანურების მცდელობაა.

„სალომე ზურაბიშვილის ვეტო პირდაპირ მიუთითებს, რომ ის აგრძელებს იმ ანტისახელმწიფოებრივი მოქმედებების გატარებას, რომელიც პირდაპირ რადიკალური ოპოზიციის დღის წესრიგის ნარატივში ჯდება“,- აცხადებს მიქანაძე. 
ინფორმაციისთვის, საქართველოს პრეზიდენტმა სალომე ზურაბიშვილმა პარლამენტის მიერ დამტკიცებულ „საარჩევნო კოდექსში“ ცვლილებებს ვეტო დაადო. პრეზიდენტის მოტივირებული შენიშვნები პარლამენტს უკვე წარედგინა.