„დღეს ვეტო გამოვიყენე, არ ვიყენებდი ვეტოს, როცა იცი, რომ დაძლეული იქნება… ინსტიტუტისთვის არ ვარგა ვეტოს გამოყენება და მერე დაძლევა, ვიყენებ ვეტოს კანონზე, რომელიც ეხება მოსმენას, ადამიანის უფლებების შეზღუდვას – ვიყენებ იმიტომ, რომ ეს იყოს ნიშანი, რომ არ ვეთანხმები. მე ვიცი, რომ იქნება დაძლეული. ყოველ კანონს, რომელიც იქნება მიმართული ამ 6 თვეში არასწორი მიმართულებით, დავადებ ვეტოს. არ შეიძლება ამ დღეებში მოხდეს ასეთი კანონის მიღება, რომელიც ავიწროებს ადამიანის უფლებებს, მაშინ, როცა გვთხოვენ რომ ვიყოთ უფრო სამართლიანები, უფრო ევროპულები.” - განაცხადა სალომე ზურაბიშვილმა.

7 ივნისს პარლამენტმა „სისხლის სამართლის საპროცესო კოდექსში“ ცვლილებების პროექტს მესამე მოსმენით მხარი დაუჭირა, 78 ხმით, 11-ის წინააღმდეგ.