ეკატერინე ტიკარაძე ამბობს, რომ ამ ეტაპზე არ იცის, ვინ იქნება მისი შემცვლელი. 

„არ მაქვს ინფორმაცია, როგორც კი ინფორმაცია გვექნება, რა თქმა უნდა, გუნდი ერთობლივად გავასაჯაროებთ. პრემიერ-მინისტრი იღებს ამასთან დაკავშირებით გადაწყვეტილებას და შერჩეულ კანდიდატსაც ის დაასახელებს“, - აცხადებს ეკატერინე ტიკარაძე.

ჟურნალისტის კითხვას, დაუჭერს თუ არა მხარს არჩილ თალაკვაძეს? - ჯანდაცვის მინისტრის მოვალეობის შემსრულებელმა ეკა ტიკარაძემ შემდეგნაირად უპასუხა:

„პრემიერი მიიღებს გადაწყვეტილებას და შესაბამისად ეს ადამიანი იქნება ჩემთვისაც მისაღები კანდიდატურა, რომელთანაც გავაგრძელებთ თანამშრომლობას“, - დასძენს ტიკარაძე.