პორტუგალიაში, ქარხანაში Destilaria Levira ღვინის ორი რეზერვუარი გასკდა, რის შედეგადაც ქალაქ ანადიას ქუჩები ღვინით დაიტბორა. ამის შესახებ ადგილობრივი მედია წერს.

არსებული ინფორმაციით, ინციდენტის დროს არავინ დაშავებულა, მომხდარის მიზეზები კი დადგენილი არ არის. სულ ქუჩებში 2,2 მილიონი ლიტრი ალკოჰოლი დაიღვარა. ადგილობრივი მოსახლეობის გადაღებულ კადრებზე ჩანს, რომ ქუჩაში წითელი ღვინო მდინარესავით მოედინება.

ქალაქის მთავრობაში აცხადებენ, რომ არ დაუშვეს ალკოჰოლის მდინარეში ჩადინება, რითაც ეკოლოგიური კატასტროფა აღკვეთეს. Destilaria Levira განაცხადეს, რომ მზად არიან მოსახლეობას ინციდენტის შედეგად მიყენებული ნებისმიერი ზარალი აუნაზღაურონ.