პოლონეთმა გერმანიასა და ლიეტუვასთან საზღვრებზე დროებითი კონტროლი დააწესა. მთავრობის განცხადებით, ეს არის ნაბიჯი მიგრანტების უფრო საფუძვლიანი შემოწმებისთვის, მიგრაციასთან დაკავშირებული საზოგადოებრივი შეშფოთების ფონზე. ინფორმაციას ამის შესახებ სააგენტო Reuters-ი ავრცელებს.

პოლონეთში მიგრაციასთან დაკავშირებული დებატები ბოლო კვირებში სულ უფრო გამწვავდა. ულტრამემარჯვენე აქტივისტების ჯგუფებმა დასავლეთ საზღვარზე „მოქალაქეთა პატრულები“ აამოქმედეს.

გერმანია 2023 წლიდან აქვს დაწესებული შემოწმება პოლონეთთან საზღვარზე, თუმცა წელს უფრო მკაცრ მიდგომაზე გადავიდა, რაც გამოიხატება საბუთების გარეშე მიგრანტების უკან დაბრუნებასა და პოლონეთში მათ რეადმისიაში, ევროკავშირის წესებისა და ორმხრივი შეთანხმების საფუძველზე.