აქციის მონაწილეებმა პარლამენტის უკანა შესასვლელთან გადაინაცვლეს, მათ პოლიციის კორდონის გარღვევა შეძლეს.

პროცესის პარალელურად სამართალდამცველები პარლამენტთან შეკრებილ აქციის მონაწილეებს დაშლისკენ მოუწოდებენ.

„მოქალაქეებო, დაიშალეთ, წინააღმდეგ შემთხვევაში გამოყენებული იქნება კანონით გათვალისწინებული ღონისძიებები სამოქალაქო წესრიგის დასამყარებლად“,- მიმართავენ მოქალაქეებს.

ვრცელდება ინფორმაცია, რომ აქციაზე სპეცრაზმელებმა სავარაუდოდ წიწაკის სპრეი გაუშვეს. დაძაბული ვითარებაა ამ წუთებში ჩიტაძის ქუჩაზე, სადაც დიდი რაოდენობით სპეცრაზმია მობილიზებული მშვიდობიანი დემონსტრანტების პირისპირ.

შსს-მ გამაფრთხილებელი სიგნალი ჩართო, რის შემდეგაც სპეცრაზმი როგორც წესი აქციის დარბევასა და წყლის ჭავლის გამოყენებას იწყებს.