პირი, რომელმაც რესტორანში ავტომატიდან ისროლა, 20 ათას ლარიანი გირაოთი გათავისუფლდა

14/06/2022

19:50

სამართალი

A-

კოტე ნატროშვილს, რომელმაც 7 ივნისს მცხეთაში, რესტორან „მარანი ჰოლთან“ ცეცხლსასროლი იარაღიდან რამდენჯერმე გაისროლა, სასამართლომ აღკვეთის ღონისძიების სახით 20 000-ლარიანი გირაო შეუფარდა.

გადაწყვეტილება მოსამართლე სოფიო ლეჟავამ გამოაცხადა. მან პროკურატურის შუამდგომლობა დააკმაყოფილა, რომელიც ბრალდებულისთვის აღკვეთის ღონისძიებად სწორედ 20 000-ლარიანი გირაოს დაკისრებას მოითხოვდა.

საქმის პროკურორის განცხადებით, ბრალდებულმა იარაღი 7 ივნისს რესტორან „მარანი ჰოლის“ ეზოში შეიძინა.

ნატროშვილს ბრალი სისხლის სამართლის კოდექსის 236-ე მუხლის მე-3 ნაწილით (ცეცხლსასროლი იარაღის მართლსაწინააღმდეგო შეძენა) წარედგინა.

396