„გირჩი - მეტი თავისუფლების“ ლიდერზე, ზურა ჯაფარიძეზე თავდამსხმელი დაკავებულია.

ამის შესახებ „გირჩი - მეტი თავისუფლების“ წევრმა ანა ყურაშვილმა განაცხადა. მისი ინფორმაციით, ჯაფარიძეს მასზე თავდამსხმელის დაკავების შესახებ პოლიციიდან შეატყობინეს.

ჯაფარიძე გორში ამოცნობაზე მიდის.

ცნობისთვის, „გირჩი მეტი თავისუფლების“ ლიდერს, ზურაბ ჯაფარიძეს თავს დღეს, გორში, „სმარტთან“ დაესხნენ. თავდასხმის შედეგად ჯაფარიძემ დაზიანება თვალის არეში მიიღო. ის რამდენიმე საათის განმავლობაში პოლიციაში გამოკითხვაზე იმყოფებოდა.

“მე ვარ სოსო მაისურაძე, გორელი კაცი. ჩემ მიერ იცემა ზურა ჯაფარიძე, იცემა ჩვენი შვილების გარყვნისათვის, იცემა პატრიარქის და ეკლესიის შეურაცხყოფისათვის” - ამის შესახებ კი მოქალაქე სოსო მაისურაძემ სოციალურ ქსელში, მისი მეგობრის ფეისბუკგვერდზე დაწერა. მისი თქმით, არსად დამალვას არ აპირებს და არის გორში, თავის მეგობართან.