ბურლა "ღრმად დარწმუნებულია", რომ Pfizer-ის მიერ ახლახან შექმნილი ანტივირუსული აბი - Paxlovid - მუტაციებით, მათ შორის „ომიკრონით“, გამოწვეული ინფექციების სამკურნალოდ ეფექტური იქნება. მისივე თქმით, "ომიკრონის" გამოჩენა მკურნალობის პროცესზე არ იმოქმედებს.

როგორც ბურლამ CNBC-ს განუცხადა, მისმა კომპანიამ უკვე დაიწყო აბის შემოწმება „ომიკრონის“ შტამზე, რომელიც პირველად სამხრეთ აფრიკაში დაფიქსირდა და შიში გააღვიძა COVID-19-ის ინფექციების გლობალურ ტალღასთან დაკავშირებით. 

”მე არ ვფიქრობ, რომ, რეალურად, ვაქცინები კორონავირუსისგან არ გვიცავენ, თუმცა ტესტირებამ შეიძლება აჩვენოს, რომ ვაქცინის არსებული დოზები „ნაკლებად იცავს“, რაც ახალი ვაქცინის შექმნის საჭიროებაზე მიუთითებს.
პარასკევს დნმ-ის პირველი ნიმუში შევქმენით, რომელიც ახალი ვაქცინის შემუშავების პროცესის პირველი შესაძლო მოდულაციაა,” - თქვა ბურლამ.

ბურლამ არსებული სიტუაცია მიმდინარე წლის დასაწყისში განვითარებულ სცენარს შეადარა, როდესაც Pfizer-მა და მისმა გერმანელმა პარტნიორმა BioNTech-მა 95 დღეში შეიმუშავეს ვაქცინა, რადგან ექსპერტები შიშობდნენ, რომ ვაქცინის წინა ფორმულა „დელტა“ ვარიანტის წინააღმდეგ არაეფექტური იქნებოდა, თუმცა, საბოლოოდ, ეს ვერსია არ იყო გამოყენებული.  

„ახალი ვაქცინა "ძალიან ეფექტურია" „დელტას“ წინააღმდეგ,“ - თქვა ბურლამ და დასძინა, რომ კომპანიები იმედოვნებენ, რომ 2022 წელს ვაქცინის ოთხი მილიარდი დოზის წარმოებას  შეძლებენ.
ორი კვირის წინ, Pfizer-მა აშშ-ს მარეგულირებლებს თავისი ექსპერიმენტული აბისთვის - Paxlovid-ისთვის - ავტორიზაციის მინიჭება სთხოვა, რაც საფუძველს ჩაუყრის 2021 წლის ზამთარში ვირუსზე მკურნალობის დაწყებას სახლის პირობებში. 

ახლადინფიცირებულ მაღალი რისკის მქონე პაციენტებს შორის, რომლებიც სიმპტომების დაწყებიდან სამი დღის განმავლობაში მკურნალობდნენ, ნაჩვენებია, რომ Pfizer-ის აბი ჰოსპიტალიზაციას ან სიკვდილს თითქმის 90%-ით ამცირებს.  აშშ-ის სურსათისა და მედიკამენტების ადმინისტრაცია ასევე განიხილავს Merck-ის მიერ წარმოებულ კონკურენტ აბს; წამლის მწარმოებელი რამდენიმე წვრილი კომპანიაც საკუთარი ანტივირუსული აბებისთვის უახლოეს თვეებში ავტორიზაციის მინიჭებას ითხოვს. 

https://www.timesofisrael.com/pfizer-ceo-were-working-on-covid-vaccine-against-omicron/