პეტერბურგში, ერთ-ერთ საარჩევნო უბანზე ხანძარი იყო - ვიდეოკადრები ტელეგრამ არხებით ვრცელდება. არსებული ინფორმაციით, ხმის მიცემის კაბინას მოლოტოვის კოქტეილი ესროლეს.

შეგახსენებთ, რუსეთში დღეს სამდღიანი საპრეზიდენტო არჩევნების პირველი დღეა. არჩევნებში ცენტრალური საარჩევნო კომისიის მიერ რეგისტრირებული ოთხი კანდიდატი მონაწილეობს:  ვლადიმერ პუტინი, ლეონიდ სლუცკი „რუსეთის ლიბერალურ-დემოკრატიული პარტიიდან“, ნიკოლაი ხარიტონოვი „რუსეთის ფედერაციის კომუნისტური პარტიიდან“ და ვლადისლავ დავანკოვი პარტიიდან „ახალი ხალხი“.

რუსეთის ცესკომ არც ერთი ოპოზიციური და ომის მოწინააღმდეგე კანდიდატი არ დაარეგისტრირა.

71 წლის პუტინი, რომელიც რუსეთს 24 წელია მართავს, პრეზიდენტის პოსტზე დარჩენას კიდევ ექვსი წლით აპირებს.