„პარლამენტში ოპოზიციის დასუსტება დიდი შეცდომაა“, - ამის შესახებ ოპოზიციონერმა დეპუტატმა რომან გოცირიძემ განაცხადა.

გოცირიძე იმედოვნებს, რომ პარლამენტში პარასკევს მთელი ოპოზიცია იქნება.

ოპოზიციონერი დეპუტატის ცნობით, ბოიკოტის რეჟიმი ხელს აძლევს „ქართულ ოცნებას“ და არა ოპოზიციას.

„საპარლამენტო ბოიკოტის რეჟიმი აწყობს „ქართულ ოცნებას“ და არა ოპოზიციას. ხვალ მოდის ფინანსთა მინისტრი და ზეგ უკვე მოდიან პრემიერ-მინისტრი და საგარეო საქმეთა მინისტრი. ამ პირობებში წარმოუდგენლად მიმაჩნია, რომ ოპოზიცია იყოს ბოიკოტში და დარწმუნებული ვარ, რომ პარასკევს მთელი ოპოზიცია იქნება პარლამენტში“, - აცხადებს რომან გოცირიძე.