პარლამენტმა პირველი მოსმენით განიხილა და 79 ხმით, ერთხმად დაუჭრა მხარი ადმინისტრაციულ სამართალდარღვევათა კოდექსში შესატან ცვლილებებს, რომელიც საზოგადოებრივი სარგებლობისთვის განკუთვნილი ობიექტების მიზანმიმართულად, განზრახ დაზიანების შემთხვევების ახლებურად დარეგულირებას ითვალისწინებს.

მოქმედი კანონმდებლობის თანახმად, მუნიციპალიტეტის ან სახელმწიფო ქონების დაზიანება ან განადგურება მხოლოდ იმ შემთხვევაში ითვალისწინებს პასუხისმგებლობის დაკისრებას, თუ დაზიანებული ან განადგურებული ნივთის ღირებულება 150 ლარს აღემატება.

კანონში შესატანი ცვლილებით კი, მოედანზე, გზაზე, პარკში, სკვერში, მიწისქვეშა გადასასვლელში განთავსებული ინფრასტრუქტურის/ინვენტარის, საზოგადოებრივი სარგებლობისთვის განკუთვნილი სხვა ობიექტის, მათ შორის, საგზაო ნიშნის, შუქნიშნის, გარე სამეთვალყურეო კამერის განზრახ დაზიანება ან განადგურება, საზოგადოებრივი ტრანსპორტის განზრახ დაზიანება ან საზოგადოებრივ ტრანსპორტში არსებული ინვენტარის განზრახ დაზიანება ან განადგურება გამოიწვევს დაჯარიმებას 300 ლარის ოდენობით.

პროექტის თანახმად, აღნიშნული ქმედების განმეორებით ჩადენა გამოიწვევს დაჯარიმებას 500 ლარის ოდენობით ან ადმინისტრაციულ პატიმრობას ხუთ დღემდე ვადით.

​კანონპროექტის ინიციატორები არიან პარლამენტის წევრები: ანრიოხანაშვილი, დავითმათიკაშვილი, ირაკლიშატაკიშვილი, რატიიონათამიშვილი, გურამმაჭარაშვილი, ალუდაღუდუშაური, ალექსანდრეტაბატაძე, ირაკლიჩიქოვანი, ირაკლიზარქუა, ბექადავითულიანი, გიორგიამილახვარი, მიხეილსარჯველაძე და ნინოიობაშვილი.