საქართველოს პარლამენტის მიმდებარე ტერიტორიაზე, სადაც აქცია „კი ევროპას, არა „რუსულ კანონს“ მიმდინარეობს, სპეციალური დანიშნულების რაზმი მობილიზდა. სპეცრაზმი პარლამენტის ყველა შესასვლელთანაა განლაგებული.

ტერიტორიაზე შეიყვანეს წყლის ჭავლის მანქანაც.

განსაკუთრებულ დავალებათა დეპარტამენტის წარმომადგენლები იმყოფებიან პარლამენტის ეზოშიც.

აქციის მონაწილეებსა და სამართალდამცავებს შორის დაპირისპირება მას შემდეგ დაიწყო, რაც აქციის მონაწილეებმა შენობის სიახლოვეს განთავსებულ სცენაზე 10 გამომსვლელის შესვლა მოითხოვეს.