პარლამენტის შენობის წინა ფასადი საახალწლო ილუმინაციებით განათდა. პარალელურად, ნაძვის ხესთან მოეწყო ეკრანები წარწერით „თბილისის მერია გილოცავთ ახალ წელს“, „გამარჯვებებით სავსე ქალაქი“.

ნაძვის ხესთან მოწყობილია სცენა, სადაც ხმის აპარატურა მიიტანეს.

რუსთაველის გამზირზე აქცია გრძელდება, ამის პარალელურად, თავისუფლების მოედნიდან მოქალაქეები, რომლებიც ნაძვის ხის ანთების ცერემონიას უნდა დაესწრონ პარლამენტის შენობის მიმდებარე ტერიტორიისკენ მიემართებიან. ადამიანები ამბობენ, რომ ისინი დღეს შეიკრიბნენ საზეიმო განწყობით და აპირებენ, რომ შეკრების შემდეგ, მსვლელობით პარლამენტის შენობასთან მივიდნენ.

როგორც ცნობილია, 19:00 საათზე, ნაძვის ხის ანთება იგეგმება.