დღეს საქართველოს პარლამენტი მუშაობას განაახლებს. საგაზაფხულო სესიის განმავლობაში, მთავარი განსახილველი საკითხები კვლავ ევროპის რეკომენდაციების სრულყოფა იქნება.

პარლამენტმა ომბუდსმენი უნდა დაამტკიცოს. გარდა ამისა, საქართველო, ვენეციის კომისიისგან სასამართლოსა და დეოლიგარქიზაციის კანონპროექტზე დასკვნას ელოდება.

ცნობილია, რომ დეოლიგარქიზაციის შესახებ დასკვნა 10-11 მარტს მომზადდება, რის შემდეგაც, საკანონმდებლო ორგანო კანონპროექტს მესამე მოსმენით მიიღებს. ასევე, პარლამენტის თავმჯდომარე, დეპუტატებს ანგარიშს წარუდგენს.