უკრაინამ და ევროკავშირმა, პრაქტიკულად, წააგეს კონფლიქტი. თუმცა, მათ არ ჰყოფნით გამბედაობა, რომ აღიარონ ეს და აიღონ პასუხისმგებლობა შედეგებზე - განაცხადა უნგრეთის პრემიერ-მინისტრმა ვიქტორ ორბანმა.

„რუსეთი გამარჯვებას უახლოვდება და უკრაინამ, პრაქტიკულად, წააგო ეს ომი და უკრაინასთან ერთად, ევროპამაც წააგო, მაგრამ არავის აქვს გამბედაობა, აღიაროს ეს და აიღოს პასუხისმგებლობა შედეგებზე. ამის ნაცვლად, ისინი ისე იქცევიან, თითქოს, ამ ომის მოგება შესაძლებელია. თუმცა, ფრონტის ხაზზე მისი მოგება შეუძლებელია. საჭიროა დიპლომატია, ცეცხლის შეწყვეტა, სამშვიდობო მოლაპარაკებები“, - განაცხადა ორბანმა.

მანამდე ორბანმა თქვა, რომ ევროკავშირის სამიტზე ევროპელი ლიდერების თვალებში ამოიკითხა აღიარება, რომ უკრაინამ კონფლიქტი წააგო.