საპარლამენტო ოპოზიციის წარმომადგენლებს „უცხოური გავლენის გამჭვირვალობის“ შესახებ კანონის წინააღმდეგ საკონსტიტუციო სასამართლოში სარჩელი შეაქვთ.

დეპუტატები აღნიშნული კანონის გაუქმებას ითხოვენ. კერძოდ, საჩივრდება კონსტიტუციის 22-ე და 78-ე მუხლებთან შესაბამისობის საკითხი.

ოპოზიციის წარმომადგენლები სარჩელს პარლამენტში, დეპუტატ თამარ კორძაიას კაბინეტში აწერენ ხელს.

ხელმოწერის პროცესი მედიისთვის დახურულია. შეხვედრიდან გამოსული ოპოზიციონერები აცხადებდნენ, რომ ეს, სულ მცირე, საპროტესტო აქტი იქნება.

არსებული ინფორმაციით, ხელმოწერის პროცესი დაახლოებით ორი დღის განმავლობაში გაგრძელდება.

დოკუმენტის საბოლოო ვერსიას საკონსტიტუციო სასამართლოში ოპოზიციის სახელით თამარ კორძაია მიიტანს.