„ოპოზიციის არაერთი „ფანჩატური“ გვინახავს, ერთმანეთს აგინებდნენ და ჩვენ ვაშველებდით“, - ამის შესახებ საპარლამენტო უმრავლესობის წევრმა ირაკლი ზარქუამ პრეზიდენტის ინიციატივაზე საუბრისას განაცხადა.

საქართველოს პრეზიდენტმა, 6 თებერვალს გაერთიანების პლატფორმის შექმნა დააანონსა.

ზარქუას განცხადებით, ოპოზიციის მსგავსი შეხვედრები ყოველთვის წარუმატებლად სრულდება.

„გვინახავს ფანჩატურები [ოპოზიციის] არაერთი, როგორ დასრულდა. მერე ერთმანეთს აგინებდნენ და ჩვენ ვაშველებდით ხოლმე. ზუსტად ასე მოიქცევიან ახლაც. ერთი კარგია, რომ კიდევ ერთხელ ხაზი გაესვა ქალბატონმა სალომემ და მადლობა მას, რასაც ჩვენ ვამბობდით, რომ ესენი ყველანი, ეს რევოლუციონისტები, ნაცები და ნეონაცები, ერთნი არიან“ - აღნიშნავს ირაკლი ზარქუა.