23/08/2022
15:10
პოლიტიკა
ნამდვილად აღარ მეგონა, თუ ეს რადიკალური ოპოზიცია კვლავ აქციებზე და ქუჩაზე დაიწყებდა საუბარს, მას შემდეგ რაც მათი თითოეული მსგავსი ქმედება დიდი კრახით დასრულდა - ბრძოლა მათთვის ძალიან მტკივნეული იქნება,- ამის შესახებ საპარლამენტო უმრავლესობის წევრმა, რატი იონათამიშვილმა ოპოზიციის გეგმებთან დაკავშირებით ჟურნალისტებს განუცხადა.
მისივე თქმით, ოპოზიციის ყოველი მომდევნო მარცხი კიდევ უფრო მტკივნეული და დასამახსოვრებელი იქნება მათთვის.
“ძალიან სწორად აღნიშნა მიხეილ სარჯველაძემ, რომ ოპოზიცია ჩამოყალიბდა როგორც “სეზონის გიჟები”. ისინი ფაქტია, რომ ყოველ თვეს ცდილობენ - შემოდგომაზე, გაზაფხულზე, ზაფხულში, გავლენა მოახდინონ ქართულ პოლიტიკაზე, მაგრამ საბოლოო ჯამში ვხედავთ, რომ ბუჩქების უკან იმალებიან და საზოგადოების წინ გამოჩენის სიმამაცე არ ჰყოფნით ხოლმე. ეს ყველაფერი არის სამართლიანი შედეგი იმ უპასუხისმგებლო და უსამშობლო დამოკიდებულებისა, რომელიც ამ ადამიანებს გააჩნიათ. ნამდვილად აღარ მეგონა, თუ ეს რადიკალური ოპოზიცია კვლავ აქციებზე და ქუჩაზე დაიწყებდა საუბარს, მას შემდეგ რაც მათი თითოეული მსგავსი ქმედება დიდი კრახით დასრულდა. მაგრამ თუ კიდევ ამაზე დაიწყებენ საუბარს, ამის საწინააღმდეგო არაფერი მაქვს, ვინაიდან ეს საუკეთესო საილუსტრაციო პროცესია მათი რეალური სახის წარმოსაჩენად. ვფიქრობ, ყოველი მომდევნო მარცხი კიდევ უფრო მტკივნეული და დასამახსოვრებელი იქნება მათთვის”,- განაცხადა რატი იონათამიშვილმა.
როგორც იონათამიშვილმა აღნიშნა, ოპოზიცია “არათანმიმდევრული და ჩამოუყალიბებელია”.
“არახალია, რომ გამორჩეულად არასტაბილური და არათანმიმდევრული ოპოზიცია გვყავს, რომლებიც ხშირ შეთხვევაში უხერხულ მდგომარეობაში აყენებენ პირველ რიგში საკუთარ თავს, ვინაიდან დღეგამოშვებით ცვლიან პოზიციებს და ერთმანეთისგან რადიკალურად განსხავევებული წინადადებებით გამოდიან, რაც იმას ნიშნავს, რომ ეს არის ჩამოუყალიბებელი პოლიტიკური გაერთიანება”,- განაცხადა რატი იონათამიშვილმა.
0
0