,,სამხედრო აგრესიის ნაწილობრივი ან დროებითი შეწყვეტა საკმარისი არ იქნება 100-ზე მეტი ადამიანის გასათავისუფლებლად, რომლებიც, ისრაელის თქმით, ღაზაში ჯერ კიდევ მძევლად რჩება,“ - განაცხადა ,,ჰამასის“ ოფიციალურმა წარმომადგენელმა.  
ისრაელ-,,ჰამასის“ ომის დაწყების შემდეგ, ღაზას 2,3-მილიონიანი მოსახლეობის 85% იძულებით გადაადგილდა, ასევე გამძაფრდა შიში, რომ ჩრდილოეთ ღაზას მსგავსად, ისრაელის საჰაერო და სახმელეთო თავდასხმების მასშტაბი სამხრეთშიც ფართოვდება. 
,,ჰამასის’’ მიერ მართულ ღაზას ჯანდაცვის სამინისტროს ცნობით, ომის დაწყების შემდეგ 20 000-ზე მეტი [როგორც მშვიდობიანი მოქალაქეები ასევე მებრძოლები] პალესტინელი, მათგან ორი მესამედი ქალი და ბავშვი დაიღუპა.