გერმანიის კანცლერი ოლაფ შოლცი აცხადებს, რომ ომი უკრაინაში შესაძლოა, დიდხანს გაგრძელდეს. არ არსებობს ნიშნები იმისა, რომ რუსეთი მზად არის თავისი ჯარების გაყვანისთვის.

DW-ის ცნობით, კანცლერი დარწმუნებულია, რომ ჩვენ მზად უნდა ვიყოთ რუსეთის ფედერაციასა და უკრაინას შორის ხანგრძლივი ომისთვის.

”ჩვენ მზად უნდა ვიყოთ იმისთვის, რომ ეს ომი შეიძლება გაგრძელდეს ძალიან დიდი ხნის განმავლობაში”, - თქვა შოლცმა.

თუმცა, მან დასძინა, რომ ბრძოლები უკვე იმაზე მეტ ხანს გრძელდება, ვიდრე რუსეთის დიქტატორი ვლადიმერ პუტინი ელოდა.
შეგახსენებთ, რომ უკრაინის პრეზიდენტის აპარატის ხელმძღვანელი ანდრი ერმაკი მიიჩნევს, რომ ომმა დასრულებამდე 70%-იანი ზღვარი უკვე გადალახა.