ოკუპირებული აფხაზეთის ე.წ. პრეზიდენტის მოვალეობის შემსრულებელი ბადრა გუნბა საპრეზიდენტო კანდიდატად წარდგენილია საინიციატივო ჯგუფის მიერ. ამის შესახებ ე.წ. ცესკომ TASS-ს განუცხადა.

"ცენტრალურ საარჩევნო კომისიაში რეგისტრაციისთვის მოვიდა მოქალაქეთა საინიციატივო ჯგუფი, რომელიც საპრეზიდენტო კანდიდატად აფხაზეთის პრეზიდენტის მოვალეობის შემსრულებელს ბადრუ გუნბას წარადგენს“, - განაცხადა დეფაქტო კომისიის თანამშრომელმა.

მანამდე ცნობილი გახდა გადამდგარი ასლან ბჟანიას გადაწყვეტილების შესახებ, რომ კანდიდატურა არ წამოაყენოს.
"არჩევნები" 2025 წლის 15 თებერვალს გაიმართება. მათში სავარაუდოდ ადგურ არძინბა, ოლეგ ბარციცი და კიდევ რამდენიმე კანდიდატი მიიღებენ მონაწილეობას.