"ოცნება" ოცნებობს იმაზე, რომ მე გავხდე უცებ, რაღაც ნაციონალური მოძრაობის ლიდერი - ამის შესახებ საქართველოს პრეზიდენტმა სალომე ზურაბიშვილმა მედიასთან შეხვედრაზე განაცხადა. 

"ავიწყდებათ, რომ თვითონ არიან ნაციონალური მოძრაობის განშტოებები. ვინც დღეს ლაპარაკობს ოცნებაში, და ეს არ ეხება 2012 წლის წლის ოცნებას, ვინც დღეს ლაპარაკობს და მე მაბრალებს, რომ მე ვარ ნაციონალური მოძრაობის ერთგვარი ლიდერი, ან უნდათ, რომ ხალხს დააჯერონ, თვითონ არიან, თვითონ 2006-2007 წლებში სად იდგნენ, გაიხსენონ და მე სად ვიდექი გაიხსენონ.

მე ესენი არ მახსოვს, არცერთი. არც ქუჩაში, არც ბრძოლაში და არც იმ გამოსელებში რომელიც ესოდენ მნიშვნელოვანი იყო მაშინ. 

ეს არის ზღაპრები, როთაც ართობენ თავიანთ ამომრჩეველს" - განაცხადა ზურაბიშვილმა.