ნუ ვქმნით განცდას, რომ სტატუსი უკვე მივიღეთ - ჩვენი ხელისუფლების ამბავი რომ ვიცით, სიურპრიზები კიდევ შეიძლება მოგვიწყონ, - ამის შესახებ პოლიტოლოგმა გია ხუხაშვილმა განაცხადა.

„ნუ დავასწრებთ მოვლენებს, გასაგებია, რომ მნიშვნელოვან ფაქტთან გვაქვს საქმე და ნამდვილად მოსალოცია, მაგრამ დეკემბრის შუა რიცხვებში იქნება საბოლოო დადასტურება ამ ყველაფრის. ნუ ვქმნით განცდას, რომ სტატუსი უკვე მივიღეთ, არ მიგვიღია ჯერ. პოლიტიკური გადაწყვეტილება იქნება დეკემბერში. ჩვენი ხელისუფლების ამბავი რომ ვიცით, სიურპრიზები კიდევ შეიძლება მოგვიწყონ. აქედან გამომდინარე, ჩვენ ჰოპლა დავიძახოთ მაშინ, როდესაც გადავხტებით, თუმცა ძალიან მნიშვნელოვანია ის, რაც უკვე მოხდა“, - განაცხადა „ტვ პირველის“ ეთერში გია ხუხაშვილმა.