ნუ გავიმეორებთ უკრაინასთან იმ შეცდომას, რომელიც თურქეთთან დავუშვით, ევროკავშირში გაწევრიანების დაპირებით, რისიც არავის არასდროს სჯეროდა, - განაცხადა საფრანგეთის ყოფილმა პრეზიდენტმა, ნიკოლა სარკოზიმ გაზეთ Le Figaro-სთან ინტერვიუში.

„ეს აკვიატება ევროკავშირის გაფართოებით, პირველ რიგში, ამერიკულია. რადგან რაც უფრო ფართოვდება ევროპა აღმოსავლეთისკენ, მით უფრო ასუსტებს ის თავის ავტონომიას. გარდა ამისა, უკრაინის ევროკავშირში ან ნატოში შესვლა ვერანაირად ვერ გადაჭრის ამ ქვეყნის ამჟამინდელ პრობლემებს რუსეთთან. ჩვენ შეგვიძლია სრულყოფილად უზრუნველვყოთ უკრაინის უსაფრთხოება, ძალიან ძლიერი გარანტიებითა და საერთაშორისო ვალდებულებებით, ისე შორს წასვლის გარეშე, როგორიცაა მისი ნატოში ინტეგრირება“, - აღნიშნა ნიკოლა სარკოზიმ.