ნორვეგიის პრემიერ-მინისტრის, იონას გარ სტიორეს განცხადებით, ოსლო პალესტინის სახელმწიფოს აღიარებს. ამის შესახებ BBC წერს.

გამოცემის ინფორმაციით, ბრიფინგზე სტორემ აღნიშნა, რომ ღაზაში მიმდინარე ომმა ცხადყო, რომ რეგიონში მშვიდობისა და სტაბილურობის მიღწევა პალესტინის საკითხის გადაწყვეტას უნდა ეფუძნებოდეს. მისი თქმით, ორი სახელმწიფოს არსებობა ისრაელის საუკეთესო ინტერესებშია.

პრემიერმა ასევე აღნიშნა, რომ ოსლო პალესტინის სახელმწიფოს 28 მაისამდე ოფიციალურად აღიარებს.

არსებული ინფორმაციით, ანალოგიურ გადაწყვეტილებას ესპანეთი და ირლანდიაც მიიღებენ.

ისრაელის საგარეო საქმეთა სამინისტრო ამ გადაწყვეტილებას უკვე გამოეხმაურა და აღნიშნა, რომ ის ექსტრემიზმსა და არასტაბილურობას შეუწყობს ხელს. ისრაელმა ასევე ნორვეგიიდან და ირლანდიიდან ელჩები გაიწვია.