ნიჟნი ნოვგოროდიდან აღდგენილ სოხუმის აეროპორტში პირველი რეისი, რომელიც 6 მაისს იყო დაგეგმილი, თითქმის ერთი დღით გადაიდო.

„იკარის ავიახაზების“ თვითმფრინავი ჩკალოვის აეროპორტიდან 6 მაისს, ადგილობრივი დროით 17:50 საათზე უნდა გაფრენილიყო. ფრენა რამდენიმეჯერ გადაიდო ცენტრალურ რუსეთში საჰაერო სივრცის გამოყენების დროებითი შეზღუდვების გამო. მიზეზი უკრაინული დრონების თავდასხმა გახდა, რის შედეგადაც რამდენიმე აეროპორტში ოპერაციები შეჩერდა.

ბოლო ინფორმაციით, რეისი დღეს, 12:50 საათზეა დაგეგმილი.

შეგახსენებთ, რომ სოხუმის აეროპორტთან საჰაერო მიმოსვლა 1 მაისს აღდგა. მოსკოვიდან პირველი რეისი UVT Aero-მ შეასრულა.

რუსეთის ხელისუფლება მარშრუტების ქსელის გაფართოებას გეგმავს, რეისების შესრულება რუსეთის რამდენიმე ქალაქიდან იგეგმება.