აშშ-ის გამოძიების ფედერალურ ბიუროში აცხადებენ, რომ ნიუ ორლეანში მომხდარი თავდასხმა ტერორისტული აქტი იყო.

„ჩემი მიზანია, რაც შეიძლება სწრაფად მოგაწოდოთ ინფორმაცია გამოძიებასთან დაკავშირებით. პირველ რიგში, ნება მომეცით, მკაფიოდ განვაცხადო ამ საკითხთან დაკავშირებით, რომ ეს იყო ტერორისტული აქტი. ეს იყო წინასწარ განზრახული და ბოროტი ქმედება“, – აღნიშნა აშშ-ის გამოძიების ფედერალური ბიუროს დირექტორის თანაშემწის მოადგილემ, კრისტოფერ რაიამ.

რაიას თქმით, თავდამსხმელი სავარაუდოდ მარტო მოქმედებდა.

აშშ-ში, ნიუ ორლეანში სატვირთო მანქანა ხალხში შევარდა, რის შედეგადაც, სულ მცირე, ათი ადამიანი დაიღუპა, 30 კი დაშავდა.