ქართველი მწერლის, ნინო ხარატიშვილის რომან „მერვე სიცოცხლის“ მიხედვით სატელევიზიო სერიალს გადაიღებენ. ინფორმაციას გამოცემა „The Hollywood Reporter“ ავრცელებს.

მათივე ცნობით, ნინო ხარატიშვილის წიგნის სატელევიზიო ვერსიაზე „ოსკარისა“ და „ემის“ მფლობელი პროდიუსერები იმუშავებენ.

ერთ-ერთი საპროდიუსერო კომპანია, რომელიც „მერვე სიცოცხლის“ მიხედვით სერიალის გადაღებაში იქნება ჩართული, ასევე მუშაობდა გერმანელი მწერლის, ერიხ მარია რემარკის რომანის მიხედვით გადაღებულ ოსკაროსან ფილმზე „დასავლეთის ფრონტი უცვლელია.“