ჩოგბურთელ ნიკოლოზ ბასილაშვილის საქმეზე მეორე ინსტანციის გადაწყვეტილება ცნობილია - მოსამართლემ განაჩენი უცვლელად დატოვა.

ნიკოლოზ ბასილაშვილი, ყოფილი მეუღლის მიმართ ძალადობის ბრალდებაში, თბილისის საქალაქო სასამართლომ უდანაშაულოდ ცნო, გამამართლებელი განაჩენი პროკურატურამ სააპელაციო წესით გაასაჩივრა.

სხდომას არც ბასილაშვილი და არც ნელი დოროყაშვილი არ ესწრებოდნენ, შესაბამისად, ბრალდებულს საბოლოო სიტყვის თქმის უფლებით არ უსარგებლია. ადვოკატის განმარტებით, ბასილაშვილი დღევანდელ სხდომაზე დისტანციურად ჯანმრთელობის მდგომარეობის გამო ვერ ჩაერთო.