სომხეთის პრემიერ-მინისტრი ნიკოლ ფაშინიანი სომხეთის უშიშროების საბჭოს საგანგებო სხდომას ატარებს. ამის შესახებ ადგილობრივი მედია წერს.

არსებული ინფორმაციით, განხილვის თემა აზერბაიჯანის მიერ ყარაბაღის ტერიტორიაზე დაწყებული ოპერაციაა, რომელსაც სომხეთის საგარეო საქმეთა სამინისტროში „ფართომასშტაბური აგრესია“ უწოდეს.

უწყებაში აღნიშნეს, რომ ყარაბაღის ტერიტორიაზე სომხეთის ჯარის დანაყოფები არ არის დისლოცირებული და გაეროსა და რუს მშვიდობისმყოფელებს სამხედრო ქმედებების შეწყვეტისთვის ზომების მიღებისკენ მოუწოდეს.

აზერბაიჯანის თავდაცვის სამინისტროში ყარაბაღში ლოკალური ანტიტერორისტული ღონისძიებების დაწყების შესახებ განაცხადეს.