ნედ პრაისი მიმდინარე თვეში სახელმწიფო დეპარტამენტის პრესსპიკერის თანამდებობას დატოვებს. ამის შესახებ ნათქვამია ენტონი ბლინკენის განცხადებაში, რომელსაც სახელმწიფო დეპარტამენტი ავრცელებს.

ნედ პრაისი სახელმწიფო უწყების პრესსპიკერად 2021 წლის 20 იანვრიდან მუშაობდა. ამ პერიდოის განმავლოაბში მას ჩატარებული აქვს 200-ზე მეტი პრესბრიფინგი, სადაც ჟურნალისტებს ეძლევათ შესაძლებლობა, რეგულარულად დასვან შეკითხვები აშშ-ის საგარეო პოლიტიკასთან დაკავშირებით.

ენტონი ბლინკენის თქმით, ის და სახელწმიფო დეპარტამენტის თანამშრომლები მუდმივად იღებდნენ სარგებელს ნედ პრაისის რჩევებით. ბლინკენის ცნობით, ნედ პრაისი სახელმწიფო დეპარტამენტში სამსახურს გააგრძელებს და უშუალოდ სახელმწიფო მდივნისთვის იმუშავებს.