-share.jpg)
დღეს, 00:10 საათზე, ნეაპოლში 4 მაგნიტუდის სიმძლავრის მიწისძვრა მოხდა, რომელსაც ძლიერი ნგრევა არ მოჰყოლია. Il Mattino-ს ცნობით, ქალაქის გარეუბნებში შეშინებული ხალხი ქუჩაში გავიდა და დილით რამდენიმე სკოლაში გაკვეთილები არ ჩატარდა. ბიძგების განმეორების შემთხვევაში შეიძლებოდა "ნაპოლისა" და "რეალის" მატჩის გადატანის საკითხი დამდგარიყო.
ამასთან დაკავშირებით "დიეგო მარადონაზე" უსაფრთხოების ზომები იქნება მიღებული. გულშემატკივრებს სთხოვეს დროულად მივიდნენ არენაზე. პოლიცია და სტიუარდები კიბეებსა და გასასვლელებს შესაძლო ევაკუაციისთვის გააკონტროლებენ, რათა მაყურებლებმა დროულად დატოვონ სტადიონი.
spazionapioli იტყობინება, რომ ბიძგების განმეორების საფრთხე და პანიკის საფუძველი არ არის, თუმცა არენიდან ევაკუაციის გეგმა არსებობს, რათა ყოველგვარი რისკი გამოირიცხოს.
რამდენიმე წუთში “ნაპოლი” “რეალს” ჩემპიონთა ლიგაზე დაუპირისპირდება.
0
0
