უკრაინის უმაღლესი რადას სპიკერმა, რუსლან სტეფანჩუკმა განაცხადა, რომ კიევი ნატოში გაწევრიანების შესახებ მიწვევას ზაფხულში, ვილნიუსის სამიტზე ელოდება.

„ჩვენ ველით, რომ ვილნიუსის სამიტზე უკრაინა მიიღებს ასეთ მოწვევას [ნატოში გაწევრიანებას] და ალიანსის წევრი გახდება“, - განაცხადა სტეფანჩუკმა.

გარდა ამისა, სტეფანჩუკმა აღნიშნა, რომ მიუნხენში მიმდინარე კონფერენციაზე უკრაინამ დასავლეთის ქვეყნებთან ერთად ნატოში გაწევრიანების, ასევე ევროკავშირში გაწევრიანების საკითხი განიხილა.

ცნობისთვის, ნატოს ქვეყნების შემდეგი სამიტი 2023 წლის 11-12 ივლისს ლიეტუვის დედაქალაქ ვილნიუსში გაიმართება.