NATO-ს გენერალურმა მდივანმა მარკ რუტემ უკრაინის პრეზიდენტ ვოლოდიმირ ზელენსკის მოუწოდა, გზა გამონახოს ამერიკის შეერთებული შტატების ადმინისტრაციასთან შესარიგებლად. ამის შესახებ BBC წერს.

რუტეს თქმით, თეთრ სახლში უკრაინისა და აშშ-ის პრეზიდენტების შეხვედრის შემდეგ, ის ორჯერ ესაუბრა ზელენსკის.

„პატივი უნდა ვცეთ იმას, რაც ტრამპმა უკრაინისთვის გააკეთა“ - მედიის ცნობით, მიმართა NATO-ს გენმდივანმა უკრაინის პრეზიდენტს.

BBC-ის ცნობით, მანვე, ზელენსკის შეახსენა, რომ ტრამპის პირველი პრეზიდენტობის დროს, 2017-2020 წლებში, აშშ-მა მხარი დაუჭირა Javelin-ის გაყიდვას, ეს კი სწორედ ის ტანკსაწინააღმდეგო სარაკეტო სისტემებია, რომლებსაც უკრაინა მას შემდეგ იყენებს, რაც რუსეთი 2022 წელს მის ტერიტორიაზე შეიჭრა.