ცნობილი თურქი მსახიობი ერკან პეტეკაია სოციალურ ქსელში დახმარებას ითხოვს. 

პეტეკაია წერს, რომ მისი მეუღლის ნათესავები ნანგრევების ქვეშ იმყოფებიან.

კინოვარსკვლავმა ხელისუფლებას სოციალურ ქსელში თავისი პოსტით მიმართა.

„ჩემი ძვირფასი მეუღლის, დიდემ პეტეკაიას ახლო ნათესავები ნანგრევების ქვეშ არიან, გთხოვთ, დაგვეხმაროთ. ღმერთმა ყველას გვიშველოს“, - წერს მსახიობი. 

ძლიერი მიწისძვრა თურქეთსა და სირიაში 6 თებერვალს მოხდა. თურქეთში შვიდდღიანი გლოვაა გამოცხადებული. ამ დროის მონაცემებით, მიწისძვრის შედეგად დაღუპულთა რიცხვმა 7 200-ს გადააჭარბა. თურქეთის ოფიციალური მონაცემებით, თურქეთში 5 400-ზე მეტი, სირიაში კი 1 800-ზე მეტი ადამიანი დაიღუპა.