მომავალში, წითელი პლანეტის სტუმარი ასტრონავტები შეიძლება მარსის ცის საოცარი ხედებით დატკბნენ.

მარსის ორბიტაზე, ზედაპირიდან 400 კილომეტრის სიმაღლეზე მოძრავმა NASA-ს ხომალდმა Odyssey-მ წითელი პლანეტის ჰორიზონტის ახალი ფოტოები გადაიღო. დედამიწის ზედაპირიდან სწორედ ასეთ სიმაღლეზე მოძრაობს საერთაშორისო კოსმოსური სადგურიც.

სურათი წარმოადგენს მიღწევას, რასაც თვეები დასჭირდა. მეცნიერთა განცხადებით, ახლა მათ მარსისა და დედამიწის ერთნაირი ფოტოების შედარების საშუალება აქვთ.

„მარსის ორბიტაზე რომ ასტრონავტები იყვნენ, ისინი ასეთ ხედს დაინახავდნენ. ასეთი ხედი აქამდე მარსის არცერთ ხომალდს არ გადაუღია“, — ამბობს არიზონის სახელმწიფო უნივერსიტეტის ასტრონომი ჯონათან ჰილი.

სურათი Odyssey-ს თერმული გამოსხივების ვიზუალიზაციის სისტემამ (THEMIS) გადაიღო. ამ პროცესს ასეთი ხანგრძლივი კოორდინირება იმიტომ დასჭირდა, რომ THEMIS-ი ორბიტერის „მუცელზე“ ფიქსირებულ პოზიციაშია მიმაგრებული და დაბლა, მარსს უყურებს. მისი მონაცემები პლანეტის ზედაპირის აღწერისთვის გამოიყენება.

წყარო: საქართველოს პირველი არხი