მზეზე უზარმაზარი მუქი ხვრელი გაიხსნა, საიდანაც უაღრესად სწრაფი გამოსხივების მძლავრი ნაკადები, რომელიც მზის ქარის სახელით არის ცნობილი, პირდაპირ დედამიწისკენ იფრქვევა. ხვრელის ზომა, რომლის სიგანე 60 დედამიწაზე მეტია, მზის ციკლის ამ ეტაპზე უპრეცედენტოა.

Live Science წერს, რომ გიგანტური ბნელი ლაქა, რომელიც ცნობილია როგორც კორონალური ხვრელი, წარმოიქმნა მზის ეკვატორთან 2 დეკემბერს და მიაღწია მაქსიმალურ სიგანეს, დაახლოებით, 800 ათასი კილომეტრს 24 საათის განმავლობაში, იუწყება Spaceweather.com. 4 დეკემბრიდან მზის სიცარიელე პირდაპირ დედამიწისკენ არის მიმართული.

ოკეანისა და ატმოსფეროს ეროვნული ადმინისტრაციის (NOAA) თანახმად, კორონალური ხვრელები წარმოიქმნება მაშინ, როდესაც მზეს უჭირავს მაგნიტური ველები მოულოდნელად განიზიდებიან, რაც იწვევს მზის ზედაპირის შიგთავსის კოსმოსში გამოტყორცნას მზის ქარის სახით.

კორონალური ხვრელების რადიაციული ნაკადები ბევრად უფრო სწრაფია ვიდრე ჩვეულებრივი მზის ქარი და ხშირად იწვევს დედამიწის მაგნიტურ ველში არეულობას, რომელიც ცნობილია როგორც გეომაგნიტური ქარიშხალი. მზის უახლესმა კორონალურმა ხვრელმა, რომელიც მარტში გაჩნდა, გამოიწვია ყველაზე ძლიერი გეომაგნიტური ქარიშხალი დედამიწაზე ექვს წელზე მეტი ხნის განმავლობაში.

უცნობია რამდენ ხანს დარჩება ხვრელი მზეზე, მაგრამ წინა კორონალური ხვრელები, NOAA-ს მიხედვით, მზის ერთზე მეტი ბრუნვა გრძელდებოდა, რაც 27 დღეა. თუმცა, ხვრელი მალე გადაუხვევს დედამიწის მიმართულებიდან.