Gunung Padang ინდონეზიაში შეიძლება უძველესი პირამიდა იყოს მსოფლიოში. ამის შესახებ კვლევა გამოქვეყნდა ჟურნალში Archaeological Prospection.

Gunung Padang მდებარეობს დასავლეთ ჯავაში ჩამქრალი ვულკანის თავზე. ახალ კვლევაში მეცნიერებმა გააანალიზეს პირამიდის სტრუქტურა სეისმური ტომოგრაფიის, ელექტრო ტომოგრაფიისა და მიწაზე შეღწევადი რადარის გამოყენებით. მათ ასევე გაბურღეს პირამიდა, რათა დაედგინათ მისი ასაკი რადიოკარბონის დათარიღების გამოყენებით.

როგორც არქეოლოგებმა აღმოაჩინეს, დაახლოებით 16 ათასი წლის წინ, უძველესმა ადამიანებმა პირველი ფიგურები Gunung Padang-ის ადგილზე გაცივებული ლავისგან გამოკვეთეს. ჩვენს წელთაღრიცხვამდე 7900-დან 6100 წლამდე, ადამიანთა სხვა ჯგუფმა დაამატა აგურისა და ქვის სვეტების ფენა, ხოლო ძვ. წელთაღრიცხვით 2000 და 1100 წლებში ინდონეზიელებმაპირამიდას საბოლოო ფორმა მისცეს, როდესაც დაამატეს ქვის ტერასები და სხვა ელემენტები.

მკვლევარმა ჯგუფმა ასევე აღმოაჩინა მტკიცებულება იმისა, რომ სტრუქტურის შიგნით შეიძლება იყოს ცარიელი სივრცე. მათი აღმოჩენა გამოწვევას უქმნის ტრადიციულ აზროვნებას, რაც ხაზს უსვამს მშენებლობის შესაძლებლობებს ბოლო გამყინვარების ხანაში.