აფრიკის ქვეყნებს, მოზამბიკსა და მალავის ტროპიკული ქარიშხალი „ფრედი“ დაატყდა თავს. ინფორმაციას „როიტერი“ ავრცელებს.

მედიის ცნობით, სტიქიას ქვეყნებში სულ მცირე 100 ადამიანი ემსხვერპლა და ათობით ადამიანი კი დაშავდა.

მსოფლიო მეტეოროლოგიური ორგანიზაციის განცხადებით, პლანეტის სამხრეთ ნახევარსფეროში „ფრედი“ მიმდინარე წლის ყველაზე ხანგრძლივი და ძლიერი შტორმი იქნება.

მედიის ინფორმაციით, ქარიშხლის შედეგად მოზამბიკსა და მალავიში ასობით სახლი დაზიანდა ან განადგურდა. ქარიშხალმა, ასევე, დააზიანა რკინიგზაც.