მოსკოვში, თავდასხმის შემდეგად, 48 წლის ვირუსოლოგი ანდრეი ბოტიკოვი მოკლეს, რომელიც მონაწილეობდა Sputnik V-ის კორონავირუსის ვაქცინის შექმნაში.

გამომძიებლების ინფორმაციით, ბოტიკოვს 29 წლის მამაკაცი დაესხა თავს. მათ შორის კონფლიქტი მოხდა და ეჭვმიტანილი მეცნიერის ქამრით დახრჩობას ცდილობდა.

მისულმა ექიმებმა ვირუსოლოგის გადარჩენა სცადეს, მაგრამ ის მოგვიანებით გარდაიცვალა. წყაროს ინფორმაციით, ეჭვმიტანილი უკვე დაკავებულია და დაიკითხა, მის წინააღმდეგ სისხლის სამართლის საქმე „მკვლელობის“ მუხლით არის აღძრული.

მანამდე ცნობილი გახდა, რომ მოსკოვში რამდენიმე მეწარმე ნაქირავებ ბინაში გარდაცვლილი იპოვეს.