მოსკოვში მომხდარი აფეთქების შედეგად რუსეთის შეიარაღებული ძალების რადიაციული, ქიმიური და ბიოლოგიური დაცვის ძალების ხელმძღვანელი, გენერალ-ლეიტენანტი იგორ კირილოვი დაიღუპა.

აღნიშნულის შესახებ ინფორმაციას  რუსეთის საგამოძიებო კომიტეტი ავრცელებს.

ასაფეთქებელი მოწყობილობა საცხოვრებელი სახლის სადარბაზოსთან მდგარ სკუტერში იყო ჩამონტაჟებული. აფეთქების შედეგად ასევე დაიღუპა იგორ კირილოვის თანაშემწე. ადგილზე გამომძიებლები, კრიმინალისტები და ოპერატიული სამსახურები მუშაობენ.