რუსეთმა გააუქმა საექსპორტო გადასახადები ნავთობპროდუქტებისა და გაზის ექსპორტზე ოკუპირებულ ე.წ. სამხრეთ ოსეთის თვითგამოცხადებულ რესპუბლიკაში. „სამთავრობათაშორისო“ შეთანხმებაში შესაბამისი ცვლილებების შეტანის ოქმი გამოქვეყნდა რუსეთის იურიდიულ საინფორმაციო პორტალზე. გადასახადები 10 იანვრიდან გაუქმდა, იტყობინება TASS.

ნულოვანი გადასახადი მოქმედებს მოსკოვისა და ცხინვალის მიერ შეთანხმებულ მოცულობებზე, მათზე მეტი მიწოდებისთვის მოქმედებს რუსეთის ფედერაციის მიერ დადგენილი სტანდარტული განაკვეთი.

მხარეები ასევე შეთანხმდნენ 2024 წლისთვის ნულოვანი გადასახადების შესახებ რამდენიმე სხვა სახის პროდუქტზე: პლასტმასის, შავი ლითონებისა და მათგან დამზადებული პროდუქტების, ალუმინის და მისგან წარმოებული პროდუქტების შესახებ.